როდემდე შენარჩუნდება უნალექო ამინდი საქართველოში

სინოპტიკოსები უახლოეს დღეებში საქართველოს უმეტეს რეგიონში, მათ შორის დედაქალაქში, უნალექო ამინდს ვარაუდობენ. დასავლეთ საქართველოში მოსალოდნელია აღმოსავლეთის მიმართულების ქარი, აღმოსავლეთ საქართველოში კი - მსუბუქი ნისლი.

გარემოს ეროვნული სააგენტოს ცნობით, უნალექო ამინდი საქართველოს ტერიტორიაზე 15 იანვრამდე შენარჩუნდება.

„დასავლეთ საქართველოში ჰაერის ტემპერატურა +15-20 გრადუსი, ხოლო აღმოსავლეთ საქართველოში 8-13 გრადუსის ფარგლებში იქნება“, - განაცხადა სინოპტიკოსმა ნაირა მანველიშვილმა „ქრონიკასთან“.