რას წერს უკრაინული მედია ნინო ქათამაძეზე

უკრაინული მედია ქართველი მომღერლის, ნინო ქათამაძის შესახებ წერს, რომელმაც რუსეთიდან გამოქცეული მოქალაქეების შესახებ ერთ-ერთ ინტერვიუში ისაუბრა.

ცნობილმა ქართველმა შემსრულებელმა საქართველოში „მობილიზაციას“ გამოქცეული რუსები მკაცრად გააკრიტიკა, წერს მომღერლის შესახებ უკრაინული მედია.

მან გულწრფელი გაკვირვება გამოხატა აგრესორი ქვეყნის მოქალაქეების ასეთი ქმედებებთან დაკავშირებით, რადგან მას კარგად ახსოვს 2008 წელს რუსეთის შეჭრა საქართველოში და საქართველოს ტერიტორიების ნაწილის ოკუპაცია, წერს მედია. 

„ეს რაღაც სიურეალიზმია... ბუმერანგის პასუხს ჰგავს... როცა აფხაზეთიდან ლტოლვილები გვამებს თან ატარებდნენ, რომ სულ ცოტა მაინც დაემარხათ... ხალხი გზაში სიცივისგან იხოცებოდა. ეს საშინელი კადრებია. ... ეს არის ამბავი, რომლის წაკითხვა ან ყურება არ შეიძლება, რადგან მაშინვე გული გტკივა... და რუსები თავიანთი ძალაუფლების სავარაუდო „უსამართლობას“ გაურბიან ქვეყანაში, სადაც ტერიტორიების 22% დაიკავეს. ... დახმარებას ითხოვენ იმ ადამიანებისგან, რომლებსაც კლავენ“, - განაცხადა ქათამაძემ.

მან ასევე დასძინა, რომ რუსეთის ფედერაციაში არიან მამაცი ადამიანები, რომლებიც უკრაინასთან სრულმასშტაბიანი ომის წინააღმდეგი არიან, მაგრამ ეს „ტურისტები“, რომლებიც საქართველოში მიდიან, ვერ იქნებიან ძლიერები და სამართლიანები.