„ქვეყნის უბადლო ამომგდები... სურათზე მომზირალ პატარა ბიჭუნას, არაფერი აქვს საერთო ამ დახასიათებასთან“ - ბესო მეგრელიშვილი ბავშვობაზე

მსახიობი ბესო მეგრელიშვილი გარდაიცვალა! - სამწუხარო ინფორმაციას, მოზარდ მაყურებელთა თეატრის პროდიუსერი ავრცელებს.

„უმძიმესი დილა გაუთენდა მოზარდ მაყურებელთა თეატრს! მოულოდნელად გარდაიცვალა ჩვენი თეატრის წამყვანი არტისტი ბესო მეგრელიშვილი!

სიტყვები უძლურია - 31 მარტს და 1 აპრილს სპექტაკლები ითამაშა, ხუმრობანარევად წაიწუწუნა - რაღაც ვერ ვარ კარგადო, წნევა შემომეჩვიაო... ვაჰ... ჯერ მეტს ვერაფერს ვწერ“, - წერს დიმიტრი ხვთისიაშვილი.

რამდენიმე წლის წინ, ნოდარ დუმბაძის სახელობის მოზარდ მაყურებელთა თეატრის ადმინისტრაცია, მსახიობ ბესო მეგრელიშვილის ბავშვობის ფოტოს და ტექსტს აქვეყნებს:

„მსახიობი ბესო მეგრელიშვილი:

ერთი შეხედვით, სურათზე მომზირალ პატარა ბიჭუნას, არაფერი აქვს საერთო იმ დახასიათებასთან, რომელიც გამანდვეს.

აი ეს ბიჭი, ბავშვობაში ერთი წინადადებით მონათლეს: „ქვეყნის უბადლო ამომგდები და ნათესაობის დამწიოკებელი.“