ქუთაისში გადაარჩინეს პაციენტი, რომელსაც სასუნთქ მილში ქათმის ძვალი გაეჩხირა

ქუთაისში სამედიცინო დაწესებულებაში პაციენტი შეიყვანეს, რომელსაც სუნთქვის მწვავე უკმარისობა აღენიშნებოდა. ამის შესახებ ადგილობრივი მედია წერს. 

როგორც კლინიკა “ბომონდში” აცხადებენ, პრობლემის მიზეზი ტრაქეაში მოხვედრილი ქათმის ძვალი იყო.

“პაციენტის მდგომარეობა ამგვარად ფასდებოდა: მძიმე დესატურირებული ჰიპოქსიურ ენეფალოპათიაში მყოფი. ნაცდელი იქნა უცხო სხეულის ამოღება ტრაქეადან ბრონქოსკოპის საშუალებით, თუმცა ყველა მცდელობა უშედეგო აღმოჩნდა, რასაც ძვლის სანათურში მდებარეობა იწვევდა. გადაწყვეტილი იქნა უცხო სხეულის მოცილება ინვაზიური მეთოდით. ტრაქეიდან მიდგომით, ოპერაციული გზით ამოღებული იქნა აღნიშნული ძვალი.

ამ დროისთვის მისი მდგომარეობა აბსოლუტურად სტაბილურია.