„ნიკუშას რომ შეემთხვა ტრაგედია, მახსოვს მამამისის გაქვავებული სახე... არ ვიცოდი, რა უნდა მეთქვა“ - მამა შალვა

მამა შალვა კეკელია ნიკოლოზ წულუკიძის ოჯახში დატრიალებულ ტრაგედიას იხსენებს, რა დროსაც, ტელეწამყვანის მცირეწლოვანი შვილი გარდაიცვალა.

„მახსოვს, ნიკუშას რომ შეემთხვა საშინელი ტრაგედია, კიტას ამბავი რომ მოხდა... რამდენიმე წუთში მივედი. მახსოვს ნიკუშას მამა, როგორი სახე ჰქონდა იქ, ოთახში რომ იჯდა... ყინული, ქვა... არ იცი რა უნდა თქვა, რაზე უნდა ელაპარაკო... არ ვიცოდი. ნიკუშასთვის რა მეთქვა, თეკლას რა უნდა ველაპარაკო. ძალიან რთულია, მერე ღმერთი გაძლევს ძალას...“ - იხსენებს მამა შალვა.