მცხეთა-სტეფანწმინდა-ლარსის საავტომობილო გზაზე დაზიანებული მონაკვეთების აღდგენა დაიწყო

საერთაშორისო მნიშვნელობის მცხეთა-სტეფანწმინდა-ლარსის საავტომობილო გზაზე დაზიანებული მონაკვეთების აღდგენა დაიწყო. ვინაიდან ხანგრძლივი სამუშაოებია საჭირო, საავტომობილო გზების დეპარტამენტმა გადაუდებელი აუცილებლობიდან გამომდინარე, მიიღო გადაწყვეტილება, სამუშაოები მიმდინარე მოვლა-შენახვის ხელშეკრულების ფარგლებში დაეწყო, რათა უზრუნველყოს გზის განვლადობა და ავტოტრანსპორტის უსაფრთხო გადაადგილება.

პარალელურად, უკვე მიმდინარეობს სატენდერო პროცედურები და უახლოეს პერიოდში, მცხეთა-სტეფანწმინდა-ლარსის საავტომობილო გზის გუდაური-კობისა და სტეფანწმინდის მონაკვეთების სრულმასშტაბიანი რეაბილიტაცია დაიწყება.