„მოსწყდა მშრალ ადგილს, ისე, რომ არც კი შეშინებია და მეგობრის გადასარჩენად უკვდავებაში გადახტა...“ - ესმა კუნჭულია

დღეს, ვაკის პარკში დატრიალებულ ტრაგედიას, გასტრონომიული მუზეუმის დამფუძნებელი, ესმა კუნჭულია სოციალურ ქსელში ემოციური პოსტით გამოეხმაურა. 

მისი თქმით, გმირია პატარა მარიტა, რომელმაც მეგობრის გადასარჩენად საკუთარი სიცოცხლე დათმო და ასეთ ბავშვებს გმირი მშობლები ზრდიან.

„ამდენ მშიშარა ტურას, ამდენ უპასუხისმგებლო ლაჩარს აჯობა 13 წლის მარიტამ - მოსწყდა მშრალ ადგილს, ისე, რომ არც კი დანანებია, ისე, რომ არც კი შეშინებია და მეგობრის გადასარჩენად უკვდავებაში გადახტა….
ეს ერთი სიფრიფანა, კიკინიანი, ლამაზი გოგო…

როგორი მონდომებით, აჩქარებული სუნთქვითა და სპორტული სისხარტით ხტება ჩოგბურთში საქართველოს 13 წლის ჩემპიონი მეგობრის გადასარჩენად დენგაჟღენთილ შადრევანში - კლიპივით ვხედავ, სულ ვხედავ…

გმირი, ხარ, მარიტა!!!  

და გმირი მშობლები ზრდიან მხოლოდ ასეთ შვილებს “, - წერს ესმა კუნჭულია.