„მოსიყვარულე ოჯახი იყო, ტკბილი ცოლ-ქმარი“ - ახალი დეტალები თერჯოლაში საზარელი მკვლელობის შესახებ

ცოტა ხნის წინ ცნობილი გახდა, რომ თერჯოლის მუნიციპალიტეტის სოფელ გოდოგანში ცოლ-ქმარი გარდაცვლილი იპოვეს.

ადგილობრივები ჰყვებიან, რომ სავარაუდოდ, ქმარმა ცოლი მოკლა, რის შემდეგაც თავი მოიკლა. ოჯახის ახლობელი ამბობს, რომ წყვილს კარგი ცოლქმრობა ჰქონდა.

„როგორი ტკბილი ხალხი იყო. რა მოხდა, რატომ გაწირეს ასე. ძალიან მოსიყვარულე ოჯახი იყო, კარგი ცოლ-ქმარი“ - წერს სოციალურ ქსელში ახლობელი.

არსებული ცნობით, სავარაუდო მკვლელობა სანადირო თოფიდან განხორციელდა. შემთხვევა წუხელ მოხდა.