„მოგვენატრები ჩვენო ხუჭუჭა ბიჭო...“ - ქუთაისის N11 საჯარო სკოლა ტრაგიკულად დაღუპულ მოსწავლეს ემშვიდობება

ქუთაისის N11 საჯარო სკოლა ტრაგიკულად დაღუპულ მოსწავლეს ემშვიდობება. IX კლასის მოსწავლე გიორგი ხურციძე ავტოსაგზაო შემთხვევას ემსხვერპლა.

„ქუთაისის N11 საჯარო სკოლას გლოვის დღეები აქვს. ტრაგიკულად დაიღუპა თანამშრომლის შვილი, ასევე ჩვენი სკოლის IX კლასის მოსწავლე გიორგი ხურციძე.

გიო, შენ ჩვენი სკოლის დიდი ტკივილი ხარ...

შენ გამოირჩეოდი წესიერებით, ზრდილობით, ვისაც შენთან ურთიერთობა ჰქონია, ყველა გაგიხსენებს ერთ ლაღ და თბილ პიროვნებას, შენ ხომ მხოლოდ ეს თვისებები გახასიათებდა...

ჩვენთვის ძალიან ძნელია ისაუბრო მოსწავლეზე, რომელიც შენ გვერდით იზრდება და ასე ტრაგიკულად მთავრდება ყველაფერი. ეს ის მომენტია, როცა სიტყვებს ეძებ და ვერ პოულობ გამოსავალს... ან რა უნდა თქვა...

გიო, უფალმა გაგვინათლოს შენი სპეტაკი და ალალ-მართალი სული... ძალიან მოგვენატრები ჩვენო ხუჭუჭა ბიჭო“, - ნათქვამია სამძიმრის ტექსტში.