„მხოლოდ „ნიჭიერის“ სცენაზე დადგომაზე ვოცნებობდი…“ – გაიცანით 13 წლის ნინი ორკოშნელი, რომელმაც მამის ხსოვნას ემოციური გამოსვლა მიუძღვნა

„ნიჭიერის“ მონაწილე ნინი ორკოშნელი, რომელმაც დათო ფორჩხიძის ოქროს ღილაკი მამისთვის მიძღვნილი ფრანგული სიმღერით დაიმსახურა, „რუსთავი 2“-ის დილის გადაცემას დათოსთან ერთად ესტუმრა და მოულოდნელ ღილაკზე ისაუბრა:

„ზღაპარი მგონია, რომელიც ახდა. ძალიან დიდ მადლობს ვუხდი ბატონ დათო ფორჩხიძეს. წარმოუდგენელია და ძალიან მიხარია, რომ „ნიჭიერის“ სცენაზე დავდექი და დათომ „ოქროს ღილაკი“ დამირტყა. მიფიქრია, მაგრამ ვერასდროს წარმოვიდგენდი ამას… გადააჭარბა იმას, რაზეც ვოცნებობდი. მე მხოლოდ „ნიჭიერის“ სცენაზე დადგომაზე ვოცნებობდი…“

დათო ფორჩხიძე აღნიშნავს, რომ პირველ რიგში, გოგონას ნიჭიერება დააფასა – „ის ამისთვის არის მოსული, რომ გახდეს ცნობილი, პოპულარული. დარწმუნებული ვარ, მაყურებელი გუშინ ემოციით აივსო… ჩემს თავს ვუყურებდი და არ მჯეროდა, რომ მე შემემთხვა და გადამხდა. ეს იყო ძალიან ნამდვილი“, აღნიშნავს დათო.