„მინდა იცოდეთ მისმა მეგობრებმა, რომ...“ - რას წერს ქართველი სტუდენტი ზაზა მესხზე

სოციალურ ქსელში მოქალაქე ლიზა ოთიურიძე, შოვის ტრაგედიის დროს გარდაცვლილ ზაზა მესხის შესახებ წერს და მასთან შეხვედრას იხსენებს:

„როდესაც სტუდენტი გოგო, მრავალი კილომეტრით შორს, სხვა ქვეყანაში, უკრაინის ოკუპაციას აპროტესტებ და უცბად ხედავ ზღვა ხალხში საქართველოს დროშას აღმართულს, სიამაყით და ბედნიერებით ივსები.

შემდეგ მისი მიმართულებით სვლას იწყებ, თან სიხარულისგან გულისცემა გემატება. აღმოაჩენ ადამიანს, რომელთან გასაუბრებაც გარწმუნებს შენი მცირე, მაგრამ მტკიცე ერის პატრიოტიზმში.

ძალიან იშვიათად თუ მოუხდენია ასეთი შთაბეჭდილება ვინმეს ასეთ მცირე დროში. ოჯახით და შვილებით მრავალი წელია ნიდერლანდებში ვცხოვრობო. გვარიც მითხრა და ზღვა ხალხში ვეღარ მოვახერხეთ კოორდინატების გაცვლა. შოვის ტრაგედიისას აღმოვაჩინე დაკარგულების ფოტოებში. ზაზა მესხი ჰოლანდიიდან, შვილებთან ერთად.

მინდა იცოდეთ მისმა მეგობრებმა, რაც ალბათ ისედაც იცით, თქვენ ძალიან მაგარი მეგობარი გყავდათ, რომელიც თავის ქვეყანაზე უზომოდ შეყვარებული იყო“, – წერს მოქალაქე სოციალურ ქსელში. 

ასევე ნახეთ: 

„ცხედრების ძებნაში გატარებული ამ დღეების სიმძიმე, არავის ესმის, ისე, როგორც თქვენ“ - უმძიმესი კადრები შოვიდან და მოქალაქეების გზავნილი მაშველებს

„ბოლო გზაზე ვაცილებთ ამ ხუჭუჭა ბიჭს, ბიჭს ღიმილით სახეზე და დიდი იმედებით გულში - გიორგი ყარალაშვილს მეგობარი ემშვიდობება

„ზაზას ერთი შვილი შოვში არ გაჰყვა, გოგონა თბილისში დარჩა...“ - რას წერს მესხის მეგობარი

იყიდება მარიკუნა მიქატაძის სახლი თბილისში - დაათვალიერეთ ინტერიერი

12 500 აბონენტს გაზმომარაგება 11 საათით შეუწყდება

როდის აგრილდება საქართველოში - უახლოესი დღეების ამინდის პროგნოზი