„მე აქ ვარ, შენი ჯერია, დე...“ - ბათუმში დაკარგულ ბიჭს დედა მიმართავს

ბათუმში დაკარგული ბიჭის დედა, ნათია დიაკვნიშვილი სოციალურ ქსელში ვიდეოს აქვეყნებს, რომლითაც შვილს მიმართავს. 

„დე, ჩემო სუნთქვა, მე აქ ვარ, შენი ჯერია, დე. არც ერთი წამი ერთმანეთის გარეშე, სულ ერთად მე და შენ. უსაზღვროდ მიყვარხარ, მჭირდები, მეიმედები, ჩემი სიამაყე ხარ დე, ძალიან მიყვარხარ“, - ამბობს ნათია დიაკვნიშვილი ვიდეოში.

ბათუმში დაკარგულ ალექსანდრე მიქელაძეს ამ დრომდე ეძებენ. ბიჭი 16 იანვარს, ღამით 22:00 საათიდან გაუჩინარდა.