მართვის მოწმობის აღება გამკაცრდა - ნახეთ, დამატებული კითხვები

მართვის მოწმობის პრაქტიკული გამოცდის მეორე ეტაპზე, მგზავრობის დაწყებამდე სატრანსპორტო საშუალების ტექნიკური გამართულობის შემოწმება სავალდებულო იქნება.

შესაბამისი ცვლილება შინაგან საქმეთა მინისტრის ბრძანებითა (N598) გათვალისწინებული და ის 2023 წლის 1-ელი სექტემბრიდან ამოქმედდება.

ცნობილი ხდება 2023 წლის 1 სექტემბრიდან მართვის მოწმობის მისაღებად დამატებული კითხვები. სულ არის 20 შეკითხვა, ამ ოცი კითხვიდან გამომცდელი დაგისვამთ ორ კითხვას.
კითხვები:

1. განმარტოს როგორ მოწმდება ძრავში ზეთის აუცილებელი დონის არსებობა
2.  განმარტოს, როგორ მოწმდება რეზერვუარში სამუხრუჭო სითხის აუცილებელი დონის არსებობა.
3. განმარტოს, როგორ მოწმდება მუშა მუხრუჭის გამართულობა
4. განმარტოს, როგორ მოწმდება სადგომი მუხრუჭის გამართულობა
5.  განმარტოს, სად მოიძიება ინფორმაცია საბურავებში რეკომენდებული ჰაერის წნევის შესახებ
6.  განმარტოს, როგორ მოწმდება უსაფრთხო მოძრაობისათვის საბურავების საერთო მდგომარეობა
7.  განმარტოს, როგორ მოწმდება დამუხრუჭების სიგნალების გამართულობა
8.  განმარტოს, როგორ მოწმდება საჭის გამაძლიერებლის გამართულობა
9.  განმარტოს, როგორ მოწმდება ძრავის გაგრილების სისტემაში გამაგრილებელი სითხის აუცილებელი დონის არსებობა
10.  განმარტოს, როგორ მოწმდება მოხვევის შუქ-მაჩვენებლების მუშაობის გამართულობა
11.  განმარტოს, როგორ მოწმდება ფარებისა და შუქამრეკლების მწყობრში ყოფნა
12.  განმარტოს, როგორ მოწმდება მუშაობს თუ არა საავარიო შუქსიგნალიზაცია
13.  განმარტოს, როგორ მოწმდება მინამრეცხის რეზერვუარში სითხის დონე
14.  განმარტოს, როგორ მოწმდება საბურავები, რათა დარწმუნდეს მათში რეკომენდებული ჰაერის წნევის არსებობაში
15.  განმარტოს, როგორ მოწმდება საბურავები, რათა დარწმუნდეს პროტექტორის ნახატის საკმარისი სიმაღლის არსებობაში
16.  აჩვენოს, სად მოწმდება ძრავის გაგრილების სისტემაში გამაგრილებელი სითხის დონე
17.  აჩვენოს, სად მდებარეობს მინამრეცხის რეზერვუარი
18.  აჩვენოს, როგორ მოწმდება ხმოვანი სიგნალის გამართულობა 
19. აჩვენოს, სად მოწმდება ძრავში ზეთის დონე
20. აჩვენოს, სად მდებარეობს სამუხრუჭე სითხის რეზერვუარი