მადლობა ფიგუს... - დემე დავლაძემ სანუკვარი საჩუქარი მიიღო

7 მარტს „ბათუმი არენაზე“ ლეგენდების მატჩი გაიმართა. საქართველოს ნაკრები მილანის „ინტერს“ შეხვდა და 0:2 დამარცხდა.

თამაშს ძალიან ბევრი ადამიანი დაესწრო. მათ შორის იყო რამაზ დავლაძის შვილი, რომელსაც 2021 წლის 8 ოქტომბერს, ბათუმში კორპუსის ჩამონგრევის შედეგად ოჯახის 4 წევრი დაეღუპა.

აღნიშნულისთვის რამაზ დავლაძე აჭარის მთავრობას და ფეხბურთელ ლუიშ ფიგუს მადლობას უხდის, რომელმაც მის შვილს მაისური საკუთარი ხელმოწერით აჩუქა.

„მადლობა აჭარის მთავრობას რომ ასე გააბედნიერა ჩემი დემე! მადლობა ფიგუს!“, – წერს რამაზ დავლაძე.