„ლია მიქაძე იყო საქართველოს ტელევიზიის პირველი სახე, რომელმაც საქართველოს ტელევიზიის დაბადება ახარა“ - პრემიერი

საქართველოს პრემიერ-მინისტრი ირაკლი ღარიბაშვილი მწუხარებას გამოთქვამს საქართველოს ტელემაუწყებლობის სახელოვანი ტელეწამყვანის ლია მიქაძის გარდაცვალების გამო.

„ლია მიქაძე იყო საქართველოს ტელევიზიის პირველი სახე, რომელიც მთაწმინდის ტელეხედვის სტუდიიდან პირველად მიესალმა საქართველოს და ტელევიზიის დაბადება ახარა.

მისი მაღალი პროფესიონალიზმისა და აკადემიური სტილის გამო ხალხმა ის დამსახურებულად შეიყვარა და თითქმის ნახევარი საუკუნის განმავლობაში ადევნებდა თვალს მის მოღვაწეობას.

ვუსამძიმრებ ოჯახს, მეგობრებს, ახლობლებსა და კოლეგებს“, - აღნიშნულია მთავრობის მეთაურის სამძიმრის წერილში.

ცნობისთვის,საქართველოს ტელემაუწყებლობის პირველი ტელეწამყვანი ლია მიქაძე გარდაიცვალა.