ლადო აფხაზავა უკრაინელების დასახმარებლად ძვირფას ნივთებს ყიდის - დედის მიერ დატოვებული ოქრო, ჯილდოს მონეტა

ცნობილი მასწავლებელი, ლადო აფხაზავა უკრაინელი მოსწავლეების დასახმარებლად მისთვის ძვირფას ნივთებს ყიდის. ამის შესახებ აფხაზავა სოციალურ ქსელში წერს და ფოტოებსაც აქვეყნებს.

„უკრაინელი მოსწავლეებისა და მასწავლებლების დასახმარებლად გადავწყვიტე გავყიდო დედის მიერ დატოვებული ოქროს რგოლის ბეჭედი და ჩემი ჯილდოს მონეტა. ალბათ, 2500 ლარი საკმარისია.

დედა, ეს შენც გაგიხარდებოდა. მაპატიე, მაგრამ ახლა მეტი არაფერი გამაჩნია. დიდება უკრაინას...“,- წერს ლადო აფხაზავა.