„ისეთი სილამაზეა აქ, თითქოს ბორჯომში ვართო...“ - ბოლო ცნობები დათის შესახებ გერმანიიდან

8 წლის დათი ქოქრაშვილი ისრაელიდან სამკურნალოდ გერმანიაში გადაიყვანეს. 

ოჯახის ახლობელი თეა ცხადაძე დათის მდგომარეობის შესახებ „პრაიმტაიმს“ ესაუბრა. 

„დღეს დილით ვესაუბრე, კარგად არიან. ისეთი სილამაზეა აქ თითქოს ბორჯომში ვართო, სულ სიმწვანე და ნაძვნარიაო. დირექტორის მეუღლე დახვდათ იქ, ყურადღებას აქცევენ, თან გადაყვნენ. 

წუხელ ვესაუბრე ირაკლის და დათის. ძალიან კარგი ოთახი აქვთ, ყველაფერს წამი წამზე აკეთებენ, წუთი წუთზე შემოდიანო ექიმები, ექთნები. თან ყვებიან დათის, ძალიან კმაყოფილები არიან. დანარჩენს შეხედავენ როგორ წავა რეაბილიტაცია“, - გვიყვება თეა ცხადაძე.