მიჩვეულები ვართ სირაქლემას პოზიციას, ვარდისფერ სათვალეს - გიორგი ფხაკაძეს კრიტიკოსებს პასუხობს

„იმდენად ვართ მიჩვეულები სირაქლემას პოზიციას, ვარდისფერ სათვალეს, გვავიწყდება ილიას სიტყვები “მოყვარეს პირში უძრახეო”,- ამის შესახებ ჯანდაცვის ექსპერტი გიორგი ფხაკაძე სოციალურ ქსელში წერს.

მისი თქმით, ყველა განცხადებას, რასაც აკეთებს თან  სამეცნიერო კვლევები ახლავს.

“ვერ ვხვდები ამ ადამიანების ქოთქოთის არსს…

რაც აქამდე მინახავს ამ გვერდზე, ყველაფერს ყოველთვის მოჰყვება სტატია, სამეცნიერო ნაშრომი, უამრავი კვლევა.

დადგებიან და ილანძღებიან.

ანუ კვლევებს არ ენდობიან და კონკრეტულ ადამიანს ლანძღავენ.

იმდენად ვართ მიჩვეულები სირაქლემას პოზიციას, ვარდისფერ სათვალეს, გვავიწყდება ილიას სიტყვები “მოყვარეს პირში უძრახეო”…

სულ რომ თავზე გვემხობოდეს ყველაფერი კი არ მოგვწონს ის, ვინც გვეტყვის გემხობათ და რამე მოიმოქმედეთო.

იმას დავუწყებთ მადლობების გადახდას, ვინც გვეტყვის რა საყვარლად გემხობათ, არაფერია საშიში, ნუ გეშინიათ, კი დაგემხობათ, მაგრამ არა უშავსო”, – წერს ფხაკაძე.