ღრმა მწუხარებას გამოვთქვამ ოკუპირებული გალის რაიონის სოფელ საბერიოში მომხდარი ტრაგედიის გამო, რასაც ხუთი მცირეწლოვნის სიცოცხლე შეეწირა. ამ ტრაგედიამ შეძრა მთელი საქართველო - კახა კალაძე

თბილისის მერი კახა კალაძე ოკუპირებული აფხაზეთის გალის რაიონის სოფელ საბერიოში მომხდარი ტრაგედიის გამო დაღუპულთა ოჯახის წევრებსა და მათ ახლობლებს უსამძიმრებს.

„ღრმა მწუხარებას გამოვთქვამ ოკუპირებული გალის რაიონის სოფელ საბერიოში მომხდარი ტრაგედიის გამო, რასაც ხუთი მცირეწლოვნის სიცოცხლე შეეწირა. ამ ტრაგედიამ შეძრა მთელი საქართველო.

სამძიმარს ვუცხადებ დაღუპულთა ოჯახის წევრებსა და მათ ახლობლებს“, - წერს სოციალურ ქსელში კახა კალაძე.

ოკუპირებულ აფხაზეთში ხანძარს 5 მცირეწლოვანი ემსხვერპლა. შემთხვევა, გალის რაიონის სოფელ საბერიოში, დღეს დილით მოხდა.