გაუფრთხილდით თქვენს სიცოცხლეს, გაუფრთხილდით თქვენს ოჯახის წევრებს - გოგა მამფორია შემაშფოთებელ ინფორმაციას ავრცელებს

საქართველოს ტექნიკური უნივერსიტეტის ასისტენტი, გოგა მამფორია, რომელიც ამჟამად ამერიკაში ცხოვრობს,  სოციალურ ქსელში წერს, რომ ერთ თვეში აშშ-დან საქართველოში 80-მდე ქართველს ჩამოასვენებენ.

„დაუზუსტებელი ინფორმაციით ბოლო ერთ თვეში 80 ქართველის აშშ-დან საქართველოში გადმოსვენების პროცედურა მიმდინარეობს და რაც აქ ხდება არის კატასტროფა!

ძირითადად არ ვაზუსტებ, მაგრამ გარდაცვალების მიზეზი აბსოლუტურად უმრავლესობაში არის ნარკოტიკით ინტოქსიკაცია!

მეგობრებო ამ ქვეყანაში მოდიხართ ოცნებების ასახდენად და არა მგონია ვინმეს ოცნება იყოს ასე ცხოვრების დასრულება! რაც აქ ხდება არის კატასტროფა ისეთი ინფორმაციები მესმის ყოველდღიურად.

გთხოვთ გაითვალისწინეთ ყველამ და გაუფრთხილდით თქვენს სიცოცხლეს გაუფრთხილდით თქვენს ოჯახის წევრებს და ამ უაზრო ზნეს გამო შავ ძაძებს ნუ ჩააცმევთ თქვენს დედებს, მეუღლეებს და შვილებს!“, - წერს გოგა მამფორია.

,,პრაიმთაიმმა“ ინფორმაცია საგარეო საქმეთა სამინისტროში გადაამოწმა.

უწყებაში აცხადებენ, რომ 
2022 წლის იანვრიდან დღემდე აშშ-დან საქართველოს 42 მოქალაქის გადმოსვენების ფაქტია ფიქსირდება.