განახლდება თუ არა ხვალ სასწავლო პროცესი თქვენი პატარებისთვის - ნახეთ, რას ამბობენ ბაგა-ბაღების სააგენტოში

ბაღებში სასწავლო პროცესი 17 იანვრიდან განახლდება.

როგორც „პრაიმტაიმს„ თბილისის საბავშვო ბაგა-ბაღების მართვის სააგენტოში განუცხადეს, სექტორი სწავლის პროცესის აღდგენას სრულად მობილიზებული ხვდება.

„17-დან იწყება სწავლა. მომზადებულია ბაღები, დეზინფექცია ჩატარებული, ყველა საჭირო პროცედურა, რაც ბაღის გახსნის წინ  ტარდება ხოლმე ჩატარებულია. ბაგა - ბაღი აღჭურვილია ინვენტარით, რაც საჭიროა რეგულაციების დასაცავად. ემზადებიან პატარების მისაღებად“, - განუცხადეს “პრაიმტაიმს„ თბილისის საბავშვო ბაგა-ბაღების მართვის სააგენტოში.

სექტორი მშობლებს მოუწოდებს გაითვალისწინონ ჯანდაცვის სამინისტროს რეკომენდაციები და იმ შემთხვევაში, თუ ბავშვს ან მის ოჯახის წევრს ექნება საეჭვო სიმპტომი, არ გამოუშვან პატარები ბაღში.