გამიკვრიდა, რომ არ შეგვიშვეს, რადგან ჩვენ აქამდე გვქონდა შესაძლებლობა მასთან შესვლის და მონახულების - სოფო ნიჟარაძე

კლინიკა „ვივამედში“ საქართველოს მესამე პრეზიდენტის, მიხეილ სააკაშვილის მოსანახულებლად მისი შვილი ელის-მარია სააკაშვილი და მომღერალი სოფო ნიჟარაძე არ შეუშვეს.

როგორც მომღერალმა, სოფო ნიჟარაძემ აღნიშნა, ეს პირველი შემთხვევა იყო, როდესაც მათ პრეზიდენტის მონახულების შესაძლებლობა არ მიეცათ.

ნიჟარაძემ განმარტა, რომ მიხეილ სააკაშვილი ბოლოს 2 კვირის წინ ნახა და მისი ჯანმრთელობის მდგომარეობა ძალიან მძიმე იყო.

„ეს პირველი შემთხვევა არის, როდესაც არ შეგვიშვეს. ძალიან გამიკვრიდა სხვათაშორის, რადგან ჩვენ აქამდე გვქონდა შესაძლებლობა მასთან შესვლის და მისი მონახულების. ორი კვირის წინანდელი სიტუაციით თუ ვიმსჯელებთ, როდესაც ჩვენ ბოლოს ვიყავით, ის უკვე ძალიან მძიმედ იყო. ძალიან მძიმე იყო მისი ნახვა ჩვენთვის. და მიუხედავად ყველანაირი მცდელობისა, კლინიკაც ყველაფერს ცდილობს, რა თქმა უნდა, მისი მდგომარეობა დადებითი დინამიკისკენ არ მიდის. უარყოფითი დინამიკა არის",- აღნიშნა ნიჟარაძემ.