ფესტივალ „ღამის სერენადების“ ფარგლებში, კავშირ „მშობელთა ხიდის“ ბენეფიციარებისთვის მასტერკლასი გაიმართა

შეზღუდული შესაძლებლობების მქონე პირებისთვის მასტერკლასი მხატვარ-დიზაინერმა ნინო მირიანაშვილმა ჩაატარა.

მასტერკლასი საქართველოს კულტურის სამინისტროს, სსიპ "შემოქმედებითი საქართველოსა" და თბილისის მერიის მხარდაჭერით ჩატარდა  და მასში მონაწილეობას  30-მდე შშმ პირმა მიიღო.

ნინა ცაგარელი, „ღამის სერენადების“ დირექტორი:

„უკვე მე-6 წელია ლიანა ისაკაძის სახელობის საერთაშორისო ფესტივალის „ღამის სერენადების“ ფარგლებში საქართველოს კულტურის სამინისტროს, სსიპ "შემოქმედებითი საქართველოსა" და თბილისის მერიის მხარდაჭერით  ვატარებთ ვორკშოპებს ამ საოცარი ბავშვებისთვის. მადლიერების ემოცია, რომელსაც ისინი გვჩუქნიან, დაუვიწყარია მთელი წლის განმავლობაში მთელი ჩვენი შემოქმედებითი ჯგუფისთვის.“

ნინო მირიანაშვილი, დიზაინერი:

დღევანდელი დღე ძალიან ემოციურია ჩემთვის აქრომატიული და ფერადი ტონალობის მონაცვლეობა,ოპტიკური ეფექტი,

სახალისო არტ სკეჩი,არაჩვეულებრივად შეასრულეს მონაწილეებმა ,ბავშვები დიდი ხალისით ერთვებიან ამ სამუშაოში, ხატავენ, აფერადებენ და შემდეგ ოპტიკური ილუზიის ხერხის დახმარებით ხალისობენ და ტკბებიან თავიანთი არტ ტრანსფორმერებით,

ფერი დიდ როლს თამაშობს მოზარდის განვითარება-ჩამოყალიბებაში, ისინი ფერებს გონებაში თავისებურად ალაგებენ და შედეგად ლამაზ, კეთილ ემოციებად უბრუნებენ სამყაროს,

ცივი და თბილი ფერები, კონტრასტული და პასტელური, სრული ფერთა გამმა, ფერთა სპექტრი, მოზარდის მუდმივი გზამკვლევია თანამედროვე სამყაროში ადაპტირებისთვის,

ხელოვნების ენა ხომ მათი კომუნიკაციის უმნიშვნელოვანესი კომპონენტია!

ლიანა ისაკაძის სახელობის საერთაშორისო ფესტივალის "ღამის სერენადები" დასკვნით კონცერტებს თბილისი უმასპინძლებს

ლიანა ისაკაძის სახელობის საერთაშორისო ფესტივალი "ღამის სერენადები" დასკვნით კონცერტებს თბილისში 9 და 11 ოქტომბერს გაიმართება.

9 ოქტომბერს ვანო სარაჯიშვილის სახელობის კონსერვატორიის დიდ დარბაზში მსმენელის წინაშე წარსდგებიან ბეატრიჩე ვენეცი - დირიჟორი, იტალია; ვერიკო ჭუმბურიძე - ვიოლინო, საქართველო/თურქეთი; ფესტივალის საბაზო ორკესტრი "საქართველოს ვირტუოზები" (პირველი ვიოლინო ლელა მჭედლიძე). შესრულდება იოჰანეს ბრამსის - სავიოლინო კონცერტი რე მაჟორი, თხზ.77 (არანჟ. ილან რეხტმანი); პეტრე ჩაიკოვსკის - სერენადა სიმებიანი საკრავებისთვის დო მაჟორი, თხზ. 48.

11 ოქტომბერს კი ფესტივალის დასკვნითი კონცერტზე საქართველოს პირველად ეწვევა იტალიის ერთ-ერთი წამყვანი საბალეტო დასი Balletto Di Roma. "ასტორი - ტანგოს საუკუნე" - ასე ჰქვია ქორეოგრაფიულ წარმოდგენას,  რომელიც ლეგენდარულ ასტორ პიაცოლას და მის გენიალურ მუსიკას ეძღვნება . საღამოს მონაწილეები არიან: Balletto Di Roma - საბალეტო დასი, იტალია; მარიო სტეფანო პიეტროდარკი - ბანდონეონი, იტალია.

ფესტივალი "ღამის სერენადები" 20 აგვისტოს ქალაქ ბორჯომში გალა კონცერტით გაიხსნა და 22, 24 და 26 აგვისტოს კი ბათუმის ილია ჭავჭავაძის სახელობის დრამატულ თეატრში გაგრძელდა. ანშლაგითა და ოვაციებით აღსავსე საკონცერტო საღამოების პარალელურად ფესტივალის ფარგლებში იმართება ქართველი მხატვრების გამოფენები, დარგობრივი მასტერკლასები და ვორქშოპები მოსწავლე ახალგაზრდებისა და შშმ/სსსმ პირებისთვის საერთაშორისო ფესტივალი "ღამის სერენადები", რომელიც მსოფლიოში სახელგანთქმულმა მევიოლინემ და დირიჟორმა ლიანა ისაკაძემ 1982 წელს დააარსა საქართველოს უმშვენიერეს მხარეში – აფხაზეთში, ჩვენი ქვეყნის ყველაზე ხანგრძლივი ისტორიის მქონე ტრადიციული ფესტივალია.

ფესტივალის ორგანიზატორია კომპანია არტ ალიანსი, ფესტივალის დირექტორი – ნინა ცაგარელი, 2018 წლიდან ფესტივალის სამხატვრო ხელმძღვანელია გიორგი ისაკაძე – მუსიკოსი და პედაგოგი , ლიანა ისაკაძის ძმისშვილი

ფესტივალის მხარდამჭერები არიან: საქართველოს კულტურის სამინისტრო, სსიპ "შემოქმედებითი საქართველო", აჭარის კულტურის სამინისტრო,ქალაქ თბილისის მერია,ქალაქ ბათუმის მერია, ქალაქ ბორჯომის მერია, იტალიის საელჩო საქართველოში.

მასპინძელი სასტუმროები: სასტუმრო ბორჯომი ლიკანი, ჰილტონ გარდენ ინნ თბილისი, ქორთიარდ თბილისი მარიოტი.

ფესტივალის სპონსორი კომპანიები: მცენარეული კოსმეტიკის ფუძემდებელი საფრანგეთიდან "ივ როშე", ნატურალური კოსმეტიკის ქართული წარმოების ბრენდი "პიელ ნატურალსი", ღვინის კომპანია "პავილიონ ვაინსი", "პსპ", ავეჯის სახლი "ნიტა".

ფესტივალის პარტნიორი: თბილისის ზაქარია ფალიაშვილის სახელობის ცენტრალური სამუსიკო სკოლა "ნიჭიერთა ათწლედი".

ფესტივალის საინფორმაციო მხარდამჭერები: აჭარის საზოგადოებრივი მაუწყებელი, საქართველოს პირველი არხი, ტელეკომპანია "რუსთავი 2", ტელეკომპანია "იმედი", "პოს ტვ", "ევრონიუს ჯორჯია", Billboard Georgia, საპატრიარქოს ტელევიზია "ერთსულოვნება", მედია და ციფრული კომუნიკაციების სააგენტო "კლიპ არტი", "პალიტრა მედია", საინფორმაციო სააგენტო "პრაიმ ტაიმი", "ჯორჯიან პრესი", ინგლისურენოვანი გაზეთი "Georgia Today", ინგლისურენოვანი ყოველდღიური გაზეთი "Messenger", ჟურნალი "სარკე", გაზეთი "აჭარა", ონლაინ მედია "აჭარა თაიმსი", რადიო "ფორტუნა" და ვებ პლატფორმა "ფორტუნა.ჯი".