„ეს კვირა გაკვეთილებზე ვერ შევიდა... ტკივილები ჰქონდა...“ - დათის დედა

დათი ქოქრაშვილს ბევრი წარდგენა აღარ სჭირდება - 9 წლის მოზარდი შარტავას ქუჩაზე მომხდარმა შემთხვევამ სრულიად საქართველოს გააცნო და შეაყვარა. 

დათი ისრაელიდან გერმანიაში 2 თვის წინ გაემგზავრა და როგორც იცით, სწავლას ონლაინ რეჟიმით განაგრძობს. „პრაიმ ტაიმი“ დათის დედას, ქრისტინე მამუკაშვილს ესაუბრა.

ქრისტინე მამუკაშვილი: ამ ეტაპზე, სიახლე არ გვაქვს. ისევ მოლოდინის რეჟიმში ვართ, ინფექციების ეშინიათ და ხელს ვერ ჰკიდებენ... რა თქმა უნდა, მოვიწყინეთ, სახლში უნდა, მაგრამ ჯერ ვერ მოვდივართ. 

- როგორ სწავლობს, ხომ არ ზარმაცობს?

- აი, მაგალითად, ეს კვირა საერთოდ ვერ შევიდა გაკვეთილებზე, მთელი ღამეები ტკივილები ჰქონდა და დილამდე ვერ იძინებდა... ხან ასე ვართ, ხან ისე.

- რა ენატრება ყველაზე მეტად?

- ყველაზე მეტად ენატრება სახლი, თავისი ძმები და თავისი საყვარელი ძაღლი....

დახმარების მსურველთათვის: 

TBC: #GE05TB7962745064300024;

BOG: #GE90BG0000000101545483.

მიმღები: ქრისტინე მამუკაშვილი, დედა

0901 000 903. (მაგთისა და ბილაინის აბონენტებისთვის). ზარის საფასურია 1 ლარი.