„ერთად დავამარცხებთ დაბრკოლებებს“ – ხვიჩა კვარაცხელიას გამამხნევებელი შეტყობინება ახალგაზრდა ფეხბურთელს, რომელიც სიმსივნეს ებრძვის

საქართველოს ეროვნული ნაკრების ფეხბურთელმა, ხვიჩა კვარაცხელიამ, მხარდაჭერის მესიჯი გაუგზავნა ახალგაზრდა ფეხბურთელს, რომელიც სიმსივნეს ებრძვის.

ფოტოს და ინფორმაციას მარტვილის „მერანის“ ოფიციალური გვერდი ავრცელებს.

„გაუმარჯოს ჩემო ძმაო, ღმერთის წყალობით ყველაფერი მაგრად იქნება. ყველა შენს გვერდით ვართ. ნაკრების ბიჭებისგან მოკითხვა ყველასგან და ერთად დავამარცხებთ დაბრკოლებებს. მაგრად უნდა იყო“, –  მიწერა ხვიჩა კვარაცხელიამ ერასტო მიქავას.

შეგახსენებთ, რომ „მერანის“ ახალგაზრდა ფეხბურთელს, ერასტო მიქავას, საზოგადოების დახმარება სჭირდება.