დღეს და ხვალ ამინდს ანტიციკლონი და მაღალი წნევა განსაზღვრავს - ნახეთ პროგნოზი უქმეებზე

მშვენიერი ანტიციკლონის გამყარებითა და მასთან არსებული მაღალი წნევის გავლენით, შაბათ-კვირა საქართველოში იქნება თბილი და მზიანი - წერს მეტეოროლოგი კობა ფარტენაძე. „ტემპერატურა დასავლეთ საქართველოში და აღმოსავლეთის ბარში +18, +20 გრადუსამდე მოიმატებს, სანაპირო კურორტებზე კი +22 გრადუსი იქნება. აქვე გეტყვით, რომ მზიანი ამინდის მიუხედავად - დასავლეთ საქართველოში პერიოდულად იქროლებს აღმოსავლეთის ძლიერი ქარი. სასიამოვნო დღეებს გისურვებთ.“ - წერს მეტეოროლოგი კობა ფარტენაძე.