„დედიკო ძალადობის მსხვერპლია...“ - გაიცანით 9 წლის ანო, რომელიც რუსთაველის მეტროსთან ხელნაკეთ ნივთებს ყიდის და დედას ეხმარება

გაიცანით, 9 წლის ანო ლამაზოშვილი, რომელიც რუსთაველის მეტროსთან ხელნაკეთ ნივთებს ყიდის და დედას ეხმარება. 

მისი ისტორიის შესახებ ინფორმაციას ჯგუფში „შენთან ვარ“ ლიკა ქანთარია ავრცელებს.

„მინდა ერთი ძალიან მაგარი გოგო გაგაცნოთ! ეს არის 9 წლის ანო, რომელიც თავის გაკეთებულ ნივთებს ყიდის.
მას სხვა დედმამიშვილიც ჰყავს რომლებიც დედასთან ერთად ქირით ცხოვრობენ.
სოციალურად დაუცველები არიან.

ანოს დედამ დეკემბერში დაკარგა სამსახური, რადგან მისმა პატარა შვილმა მოიტეხა ფეხი და მოუწია სახლში შვილთან ყოფნა.

სულ ახლახან გავიდა სამსახურში, სადაც კვირაში 3 დღე მუშაობს. ანოს დედიკო ძალადობის მსხვერპლია და თავშესაფარშიც ცხოვრობდა ერთი პერიოდი.

მათი სოციალურის ფული ქირაში და კომუნალურებში მიდის. ხელფასით კი ცდილობს რომ სამი შვილი გამოკვებოს. ამ ყველაფრიდან გამომდინარე ამ უსაყვარლესმა ციცქნა გოგომ გადაწყვიტა გაეკეთებინა ხელნაკეთი ნივთები და გაეყიდა, ამით ამოდგომოდა დედას გვერდით.

ეს მისთვის არავის უთხოვია რა თქმა უნდა და თვითონვე გადაწყვიტა ამის გაკეთება.

თავიდან მხოლოდ გლდანის პარკში ყიდდა, ახლა კი რუსთაველის მეტროსთანაცაა ხოლმე დედასთან ერთად.
ძალიან ბევრი კრიტიკა, ლანძღვა და ქება მიიღო დედამ ამ ყველაფრის გამო.

მე კი ვფიქრობ რომ ანო ყველაზე კარგი, გაბედული და მაგარი შვილია ! მისით ვამაყობ! მინდა რომ მათ გვერდით დავუდგეთ.

ვდებ ანგარიშებს #ანოს

ასევე თუ ვინმე მის ხელნაკეთ ნივთებს შეიძენთ მას ძალიან გაახარებთ და მოტივაციასაც მისცემთ“, - წერს ლიკა ქანთარია.

GE38BG0000000803561900

GE33TB7153845061100068