„დაძინებული შვილები დამეღუპა...“ - ესპანეთში გარდაცვლილი ძმების დედა

ბარსელონაში ხანძარს საქართველოს ორი მოქალაქე ემსხვერპლა. გავრცელებული ინფორმაციით, ხანძარი საცხოვრებელი კორპუსის ყოფილმა ბინადარმა განზრახ გააჩინა, რასაც რამდენიმე ადამიანის სიცოცხლე ემსხვერპლა.

„4-სართულიან შენობაში, მე-3 სართულზე ჰქონდათ ბინა ნაქირავები. პირველ სართულზე ვიღაცა თავხედმა გააჩინა ხანძარი. არ ვიცი გული მოუვიდა თუ რა იყო, რაღაც მიზეზის გამო ხანძარი გააჩინა და დაკვამლიანებამ ჩემი შვილები შეიწირა. დაძინებული შვილები დამეღუპა.

საელჩო ჩართულია და ალბათ 5-6 დღეში საბუთები მოგვარდება. მიცვალებულებს დანაშაული არაფერი არ აქვთ გარდა იმისა, რომ შეეწირნენ გაუგებრობას," - ამბობს დაღუპული ძმების დედა, ნესტან ჩარგეიშვილი.

ხანძრის გაჩენის მოტივი ჯერჯერობით უცნობია.