„ჩვენი იმედი აღარაა, წავიდა... შენ აქ ქმნიდი საოცრებებს და იქ რაღა შეგაჩერებს“ - ბაჩო ქართველიშვილს მეგობარი ემშვიდობება

უბედური შემთხვევის შედეგად ტრაგიკულად დაიღუპა ტურისტული კომპანია "ჯორჯიან ჰოლიდეის" გენერალური დირექტორი, 4 შვილის მამა, 33 წლის გიორგი(ბაჩო) ქართველიშვილი.

გიორგი ექსტრემალური ტურიზმის ერთ-ერთი პოპულარიზატორი და მიმდევარი იყო საქართველოში. უბედური შემთხვევა კოჯორში მოხდა.

„ყველას გისამძიმრებთ ამ უდიდეს ტრაგედიას  ჩვენი ბაჩო ჩვენი იმედი აღარაა წავიდა, გაფრინდა მარადიულობაში.

მხოლოდ სიყვარული დაგვიტოვა გულებში, არ მჯერა რომ ბაჩოს გარეშე მოგვიწევს ცხოვრება, რამდენი გეგმა, რამდენი ოცნება და რამდენი საოცრება გვქონდა გასაკეთებელი ერთად ჩემო ერთგულო მეგობარო, იმედი რატო წაგვართვი როგორ გაგვიფრინდი, ალბათ შენნაირი სულის მქონე ადამიანებს ეძახიან ზემოთ.

ალბათ შენი ადგილი იმ იდეალურ სამყაროშია სადაც წახვედი! სინათლეს გაყევი მეგობარო და ღმერთებმა მიგიღონ როგორც თანასწორი, შენ აქ ქმნიდი საოცრებებს და იქ რაღა შეგაჩერებს.

მადლობა ყველაფრისთვის რაც ჩვენთვის გააკეთე მეგობარო, მადლობა რომ ჩვენი იმედი იყავი, მადლობა რო ჩვენი მაგალითი იყავი და ერთ საქმეს ვემსახურეთ! ამაყი და ბედნიერი ვარ რომ გიცნობდი და ვგრძნობდი როგორი იმედი გქონდა შენც ჩემი.ღმერთებმა გაანათლონ შენი სული შენს მარადიულ მოგზაურობაში“,- წერს მეგობარი.