პირველი დეკემბრიდან ახალი წესები ამოქმედდება - გაფრთხილება მძღოლებს
1732309879
„ჩემოდნებზე ვსხედვართ... ხანდახან მგონია, აქ ადამიანებად არ მივაჩნივართ, მაგრამ შვილი უსაფრთხოდ მყავს და ეს არის მთავარი“ – ემიგრანტი დედის ემოციური ინტერვიუ
5 ოქტომბერს, გერმანიამ საქართველოს მთავრობასთან შეთანხმებით, სწრაფი დეპორტაციის მექანიზმი აამოქმედა და სამშობლოში, ჩარტერული რეისით საქართველოს 50-მდე მოქალაქე დააბრუნეს.
დაანონსებული დეპორტაციის საფრთხის გამო, გერმანიაში მყოფი ასობით ქართველი, ყოველდღე ელოდება გამოძევებას. ემიგრანტების თქმით, რეგულარულად მიმდინარეობს საპოლიციო რეიდები, იდება სიები, ქართველები კი, გამოსავლის პოვნას ცდილობენ…
ქართველი ემიგრანტი, ნატო ნაცვლიშვილი, თითქმის ერთი წელია, ოჯახთან ერთად გერმანიაში ცხოვრობს. ქვეყანა შვილის ჯანმრთელობის პრობლემების გამო დატოვეს – 13 წლის წლის ანას, იშვიათი დაავადება დრავეს სინდრომი და აუტისტური სპექტრი აქვს. მედიკამენტი, რომელიც მოზარდს უნდა მიეღო, საქართველოში რეგისტრირებული არ არის, ამიტომ მისი „მოპივება“ სხვადასხვა გზებით უწევდათ.
-ჩემოდნებზე ვსხედვართ. არაფრის გარანტია არ არსებობს. საავადმყოფოდან გამოიყვანეს ბავშვი, რომელიც სამედიცინო მანიპულაციისთვის ექიმთან იმყოფებოდა. იმ ოჯახს, სტატუსის მიღებაზე ორჯერ უარყოფითი პასუხი მიუვიდა, რაც მათ ენაზე ნიშნავს – „დატოვე ქვეყანას“, მაგრამ ბავშვს საგანგაშო მდგომარეობა აქვს, დცპ-ს დიაგნოზი დაუსვეს, 48 საათიან კრუნჩხვაში ვარდება. ამიტომ ჩამოვიდა ოჯახი გერმანიაში. რის გამო გაუშვეს, არავინ იცის…
სამედიცინო კლინიკაში, სადაც ბავშვი მამას ეპილეფსიის ხარისხის დასადგენად ჰყავდა. ერთბაშად პოლიცია, სოციალური და საემიგრაციო სამსახურის თანამშრომლებთან ერთად მისულა დეპორტაციის სამსახური და დეპორტით გამოუშვიათ.
-მსგავსი შემთხვევა ადრეც მომხდარა?
-არ, ვიცი, აქამდე არ გამიგია… რაც დრო გადის, სიტუაცია უფრო მძიმდება… იმ მამა-შვილს დეპორტი მისცეს და ოჯახის სხვა წევრები, დედა და კიდევ ერთი მცირეწლოვანი, რომლებიც იმ დროს შინ იყვნენ, დატოვეს. როდესაც ოჯახმა ეს ამბავი გააპროტესტა – ბოდიში მოიხადეს, სადეპორტი სიაში იყავით, ეტყობა, გაუგებრობა მოხდაო, მაგრამ ამით არაფერი შეიცვლება. უკან არ დააბრუნებენ… შესაბამისად, დედა და მეორე შვილიც საქართველოში მიდიან. სრულად
ასევე ნახეთ:
ოქტომბრის ასტროლოგიური პროგნოზი დღეების მიხედვით, რომელიც სასიხარულო ამბებს მოგიტანთ
