„ბუნება შეეცდება კალენდარული ზამთრის დადგომა შეგვახსენოს...“ - ამინდი იცვლება

„1-2 დეკემბერს საქართველოში ამინდი შეიცვლება, თბილი და უხვად მზიანი ნოემბრის შემდეგ, თოთქოს ბუნება შეეცდება კალენდარული ზამთრის დადგომა შეგვახსენოს.“ - წერს სოციალურ ქსელში მეტეოროლოგი კობა ფარტენაძე.

„დასავლეთში ყველგან, აღმოსავლეთში კი ზოგან იწვიმებს, შესაძლებელია ლოკალურად ზოგან ძლიერი ნალექიც აღინიშნოს, პერიოდულად გაძლიერდება დასავლეთის ქარი და არსებულთან შედარებით ტემპერატურა დაიკლებს.ზამთრის კურორტები დეკემბრის დადგომას თოვლით იზეიმებს.ეს დღეები იქნება გარდამავალი - მზიანი შემოდგომიდან ნესტიან ზამთარში, სითბოდან სიგრილეში, სიმშვიდიდან ქარის ხმაში. საქართველოში - 3 დეკემბრის შუადღის საათებიდან გამოიდარებს.“ - წერს მეტეოროლოგი.