ამინდი მკვეთრად შეიცვლება - კობა ფარტენაძე ამინდის განახლებულ პროგნოზს აქვეყნებს

მეტეოროლოგი კობა ფარტენაძე, სოციალურ ქსელში ქვეყანაში მოსალოდნელ ამინდთან დაკავშირებით პროგნოზს აქვეყნებს. 

„მოსალოდნელია ამინდის მნიშვნელოვანი ცვლილება. სანაპიროზე და დასავლეთ საქართველოში დღეს - 3 თებერვლის შუადღის საათებიდან, ამინდი მკვეთრად შეიცვლება, მოსალოდნელია ძლიერი დასავლეთის ქარი 22 მეტრ წამამდე და წვიმა.

აღმოსავლეთ საქართველოში - საღამოს საათებიდან მოსალოდნელია ძლიერი ჩრდილო-დასავლეთის ქარი 28 მეტრ წამამდე.

ზღვაზე მოსალოდნელია შტორმი, ზამთრის კურორტებზე კი თოვლი და ქარბუქი. გაითვალისწინეთ უამინდობის დროს არსებული რეკომენდაციები. 4 თებერვალს საღამოს საათებში ამინდი მთელს ქვეყანაში გაუმჯობესდება“,- წერს კობა ფარტენაძე.