“ალბათ ჩვენს სიყვარულზეა მინიშნება, რომ სამუდამო იქნება…” - რას წერს მარიამ შარმანაშვილი

30 აპრილს, მცხეთის სამთავროს მონასტერში, მართლმადიდებლად მოინათლა კარლო პონტი, სოფი ლორენის უფროსი ვაჟი.

კარლოს მონათვლის მთავარი "მიზეზი" მისი ქართველი საცოლე მარიამ შარმანაშვილია. წყვილი მალე (ამ ზაფხულს) დაქორწინებას გეგმავს. ჯვრისწერა რომ შეძლებოდათ, კარლო მართლმადიდებელი უნდა ყოფილიყო. შესაბამისად, ქართველების სასიძო მრწამსით სულ მთლად ჩვენიანი გახდა. ამ ამბავში საგულისხმოა ის ფაქტიც, რომ მას ნათლობის სახელი ჩვენი უდიდესი წმინდა მამის, მამა გაბრიელის პატივსაცემად შეურჩიეს. კარლო პონტს გაბრიელი დაერქვა. 

მარიამი და კარლო, ახლა ლოს ანჯელესში მოგზაურობენ და  გამომწერებს ინფორმაციას უზიარებენ:

"ვეძებდით, ქალბატონი სოფიას ანაბეჭდს, ჰოდა კარლო მეძახის ვიპოვეო და ნახე როგორი დამთხვევა აღმოვაჩინეთ, ეს ანაბეჭდი ემთხვევა 26 ივლისს, ჩვენი ქორწილის თარიღს და წერია "მხოლოდ სამუდამო" და ალბათ ეგეც ჩვენს სიყვარულზე მინიშნება, რომ სამუდამო იქნება ეს კავშირი ჩვენს შორის",-წერს მარიამი.