ვინ არის კაცი, რომელმაც ვარკეთილში მძინარე მეუღლე მოკლა - დაწყებულია გამოძიება

30 წლის გიორგი კავლელაშვილმა მეუღლეს, 27 წლის ქეთევან ედიბერიძეს დანით მრავლობითი ჭრილობები მძინარეს მიაყენა. რის შემდეგაც მამაკაცმა თვითდაზიანებები მიიყენა. ქალი ინგოროყვას სახელობის კლინიკაში დაიღუპა, მამაკაცს კი ოპერაცია ჩაუტარდა და ამ დროისათვის მის სიცოცხლეს საფრთხე არ ემუქრება.

მკვლელობა ვარკეთილში მოხდა. დანით მიყენებული მრავლობითი დაზიანებებით, 27 წლის ქალი კლინიკაში დღეს დილით შეიყვანეს.

ექიმის ინფორმაციით, მას თითქმის მთელ სხეულზე ჰქონდა სისხლმდენი ჭრილობები და საოპერაციო ბლოკში გარდაიცვალა.

არსებული ინფორმაციით, კაცი ხშირად სვამდა, რაც კონფლიქტის მიზეზი ხდებოდა. თუმცა, დანაშაულის მოტივი უცნობია.

შსს-მ გამოძიება სსკ-ის 11 პრიმა 19- 109-ე მუხლით დაიწყო, რაც ოჯახის წევრის მიმართ განზრახ მკვლელობის მცდელობას გულისხმობს. 

ასევე დაგაინტერესებთ:

11 იანვარს შუქი მთელი დღით გაითიშება - ქუჩების ჩამონათვალი

მოსალოდნელმა ნალექებმა, შესაძლოა, წყლის დონეების მნიშვნელოვანი მატება, მეწყრულ-ღვარცოფული პროცესები გამოიწვიოს

წითელი ცირკულარით ძებნილი ამერიკის მოქალაქე საქართველომ შეერთებულ შტატებს გადასცა - ქემერონ სთენდჰართი უმძიმეს დანაშაულებშია ბრალდებული