უნდა გავუფრთხილდეთ ემოციებს... ძალიან ნერვიულობთ და წყალს მოგაწვდით...“- ესებუა პროკურორს მიმართავს

ხელოვნურად ნუ დაამძიმებთ მოწმის ემოციურ მდგომარეობას, - ასე მიმართა ,,საქართველოს ბანკის“ ყაჩაღობაში ბრალდებულმა ბადრი ესებუამ საქმის პროკურორებს.

,,ეს მოწმე რომ დავინახე, ძალიან დადებითი ემოციითაა და პროკურორები ცდილობენ, რაღაცნაირად დაამძიმონ, ერთი ორჯერ შევნიშნე და მე ვფიქრობ, რომ უნდა გავუფრთხილდეთ ემოციებს“,- აღნიშნა ესებუამ.

ესებუას ამ განცხადების შემდეგ ბრალდების მხარემ სასამართლოს მოწმეების მოხსნის შუამდგომლობით მიმართა, რასაც დაცვის მხარე არ დაეთანხმა.

,,ვერ მივხვდი ეს ირონიული შუამდგომლობაა, თუ რეალური, მაგრამ ფაქტია, რომ თქვენივე მტკიცებულებებია ქალბატონო მირანდა და შესაბამისად თქვენ გაქვთ იმის უფლება, რომ არცერთი მოწმე არ მოიყვანოთ. ბრალდებული საუბრობს, რომ ემოციური ფონია, რომ ეს ემოციური ფონი არ გვინდა სასამართლოს და ამ შემთხვევაში საზოგადოებას ვანახოთ“, - განაცხადა ალექსანდრე კობაიძემ.

ზუგდიდის რაიონულ სასამართლოში მოწმეების დაკითხვა გრძელდება.