,,წარმოადგინონ თუნდაც ერთი კადრი, სადაც მე ვინმეს ვურტყამ და მზად ვარ დავტოვო საკრებულოს მანდატი" - ზვიად კუპრავას ბრალი გააცნეს

ზვიად კუპრავას ბრალი გააცნეს. საუბარია საპარლამენტო არჩევნების დროს მომხდარ ჩხუბსა და ამ ფაქტთან დაკავშირებით აღძრულ საქმეზე. თავად საკრებულოს დეპუტატი პოლიტიკურ ანგარიშსწორებაზე საუბრობს.

"მედავებიან რომ თურმე კახა ხაჩიძისთვის, რომელსაც არ ვიცნობ და არ ვიცი ეს ადამიანი ვინ არის, გულ-მკერდის არეში დამირტყამს ხელი არჩევნების დღეს. აქ საუბარია 2020 წლის საპარლამენტო არჩევნებზე. რა თქმა უნდა, მსგავსი ფაქტი არ მომხდარა და არ ყოფილა. სრული პასუხისმგებლობით ვამბობ, პროკურატურამ წარმოადგინოს თუნდაც ერთი კადრი, სადაც მე ვინმეს ვურტყამ გულ-მკერდის ან ნებისმიერ სხვა არეში და მე მზად ვარ დავტოვო საკრებულოს მანდატი პროკურატურის დახმარების და ასეთი ცრუ ბრალდების გარეშე," - ამბობს კუპრავა.

საქართველოს პროკურატურამ 2020 წლის 31 ოქტომბერს, თბილისში საარჩევნო უბანზე მომხდარი ძალადობის ფაქტზე 2 პირის მიმართ სისხლისსამართლებრივი დევნა დაიწყო.