თბილისში მომხდარ დაპირისპირებაში ე.წ. კანონიერი ქურდები ფიგურირებენ - ისინი გარჩევას ვიდეოზარის საშუალებით ესწრებოდნენ

„კურიერის" ინფორმაციით, თბილისის ცენტრში მომხდარ დაპირისპირებაში ე.წ. კანონიერი ქურდები ფიგურირებენ - ისინი გარჩევას ონლაინ, ვიდეოზარის საშუალებით ესწრებოდნენ.

შემთხვევა გვიან ღამით თბილისში მოხდა, რასაც 2 ადამიანი ემსხვერპლა, დაჭრილია 5 პირი. 

დაჭრილები რესპუბლიკურ საავადმყოფოში არიან გადაყვანილი. გამოძიება 109-ე და 236-ე მუხლებით დაიწყო.

ექიმის განმარტებით, 34 წლის პაციენტს ცეცხლსასროლი ჭრილობები აღინიშნებოდა დუნდულოების და ტორსის მიდამოში. პაციენტს სათანადო კვლევები და ქირურგიული ოპერაცია ჩაუტარდა. ექიმის თქმით, დაჭრილის მდგომარეობა ამ ეტაპზე სტაბილურია.

ამასთან, ერთ-ერთი დაჭრილი ზუგდიდელი ე.წ. მაყურებელი ხ. ც. იგი ორი თვეზე მეტია, რაც თურქეთში იმყოფება და სავარაუდოდ, 28 მარტს დაბრუნდა თბილისში.