სუს-ში გიორგი გახარიას თანაპარტიელის ადვოკატისა და პარტიის აღმასრულებელი მდივნის დაკითხვა მიმდინარეობს

ამ წუთებში სახელმწიფო უსაფრთხოების სამსახურში, წალენჯიხის საკრებულოს წევრის, გიორგი გახარიას თანაპარტიელის, გელა აბულაძის ადვოკატის და პარტიის აღმასრულებელი მდივნის დაკითხვა მიმდინარეობს.

ბერდია სიჭინავა დაკავებას პოლიტიკურ დევნად აფასებს. აბულაძის ადვოკატი, ლაშა თოდუა კი ამბობს, რომ მისი დაცვის ქვეშ მყოფი ბრალს არ აღიარებს.

სუს-ის ინფორმაციით, საკრებულოს წევრმა წალენჯიხის მუნიციპალიტეტის მერის წარმომადგენელს მოსთხოვა, საკუთრების ყალბი დოკუმენტის დამზადება, რის საფუძველზეც მერის წარმომადგენელმა შეადგინა მიწის იდენტობის დამდგენი ყალბი ცნობები.