შშმ მოზარდზე ძალადობის საქმეზე დაკავებული პოლიციელები მოსამართლემ პატიმრობაში დატოვა

არასრულწლოვან შშმ მოზარდზე ძალადობის საქმეზე დაკავებული ორივე პოლიციელი მოსამართლემ პატიმრობაში დატოვა, რითაც სრულად გაითვალისწინა პროკურატურის შუამდგომლობა.

პროკურორი აცხადებდა, რომ ბრალდებულების მხრიდან იყო მიმალვის, მტკიცებულებების განადგურებისა და ახალი დანაშაული ჩადენის საფრთხე. ადვოკატებმა ნაკლებად მკაცრი აღკვეთის ღონისძიება, გირაო შესთავაზეს მოსამართლეს, რაც არ გაითვალისწინა.

ბრალდებული პოლიციელები დანაშაულს არ აღიარებენ.