სექსუალური ხასიათის ქმედებასა და ძალადობაში ბრალდებული საკრებულოს ყოფილი დეპუტატი განაჩენის მოლოდინშია

საკრებულოს ყოფილი დეპუტატი განაჩენის მოლოდინშია. სექსუალური ხასიათის ქმედებასა და ძალადობაში ბრალდებული ილია ჯიშკარიანი დღეს სასამართლოს საბოლოო სიტყვით მიმართავს, რის შემდეგაც მოსამართლე გადაწყვეტილებას გამოაცხადებს.

საქმეში დაზარალებულის სტატუსის მქონე თამთა თოდაძის ადვოკატი ამბობს, რომ მოპოვებული მასალები, მათ შორის ექსპერტიზის დასკვნები და მოწმეთა ჩვენებები, მხოლოდ ილია ჯიშკარიანის ბრალეულობაზე მიუთითებს.

ცნობისთვის, ისნის რაიონის საკრებულოს მაჟორიტარ დეპუტატ ილია ჯიშკარიანს, 2019 წლის 30 სექტემბერს, მისი წარმომადგენლობითი ბიუროს სპეციალისტის, თამთა თოდაძის მიმართ განხორციელებული სექსუალური ხასიათის სხვაგვარი ქმედებისა და ძალადობის ფაქტზე ბრალდება წარედგინა.

ჯიშკარიანს აღკვეთის ღონისძიების სახით 10 000-ლარიანი გირაო შეეფარდა.