ნარკოდანაშაულში ბრალდებული თედო აბრამოვის საქმეზე, თბილისის საქალაქო სასამართლოში დღეს მტკიცებულებები გამოიკვლიეს

ნარკოდანაშაულში ბრალდებულ 22 წლის თედო აბრამოვის საქმეზე, თბილისის საქალაქო სასამართლოში დღეს მტკიცებულებები გამოიკვლიეს. გამოძიების ინფორმაციით, აბრამოვის პირადი ჩხრეკისას სამართალდამცავებმა ნარკოტიკული საშუალება ხუთ გრამამდე "მდმა" ამოიღეს.

თედო აბრამოვი 7 დეკემბერს დააკავეს. მას ბრალი სისხლის სამართლის კოდექსის 260-ე მუხლის მე-6 ნაწილით აქვს წარდგენილი, რაც განსაკუთრებით დიდი ოდენობით ნარკოტიკული საშუალების შეძენა, შენახვა ტარებას გულისხმობს.

აღნიშნული ქმედება 8-დან 20 წლამდე ან უვადო თავისუფლების აღკვეთას ითვალისწინებს.