ბორჯომში ბოლო ზარი მსხვერპლით დასრულდა

ყვითელი ლენტი

ბორჯომთან ახლოს, მწვანე მონასტრის ტერიტორიასთან, ავტომობილი, რომელშიც მოსწავლეები ისხდნენ, მდინარეში გადავარდა. არის მსხვერპლი. ისინი დღეს „ბოლო ზარს" აღნიშნავდნენ.

მანქანაში 4 მოსწავლე იმყოფებოდა, ერთი მათგანი ადგილზე გარდაიცვალა. დანარჩენი 3 კი, ბორჯომის „ჯეო ჰოსპიტალის" კლინიკაში გადაჰყავთ.

როგორც კლინიკის ხელმძღვანელმა „კურიერს" განუცხადა, ერთ-ერთი მოსწავლე გოგონა მათთან მრავლობითი დაზიანებებით შეიყვანეს.  მის სიცოცხლეს საფრთხე არ ემუქრება.