„არ მესიამოვნა, მაგრამ წამოვედით... მისი სურვილით, ქორწილი უფროსებმა დავტოვეთ“ - ბასილაშვილის დედა

ნიკოლოზ ბასილაშვილი

ფიზიკურ და ფსიქოლოგიურ ძალადობაში ბრალდებული ჩოგბურთელის, ნიკოლოზ ბასილაშვილის საქმეზე ბასილაშვილის დედა, ნატალია ნაჭყებია სასამართლოს ჩვენებას აძლევს.

ნატალია ნაჭყებიამ სასამართლოზე ნიკოლოზ ბასილაშვილის და ნეკა დოროყაშვილის ქორწილის დღე გაიხსენა. 

ნიკოლოზ ბასილაშვილის დედა ამბობს, რომ ნეკა დოროყაშვილის სურვილის გამო ქორწილი ოჯახის წევრებმა დატოვეს.

„ჩვენთან მოდიან ნიკოლოზი და თენგო და ორივემ ძალიან მორიდებით მითხრა, რომ დაგვეტოვებინა ქორწილი ნელის სურვილის გამო. ჩვენს სუფრაზე სადაც ვიჯექით ოჯახის წევრები. მოდიან წინადადებით, რომ ქორწილი დავტოვოთ უფროსებმა, მათ შორის, ნეკას მშობლებმაც... რა თქმა უნდა, არ მესიამოვნა, მაგრამ წამოვედით.. დაახლოებით იქნებოდა 10:00“, - ამბობს ნიკოლოზ ბასილაშვილის დედა ნატალია ნაჭყებია.