„აღარ იყო ჩემი ანუშკი, ვეღარაფერი ვუშველეთ...“ - გარდაცვლილი გოგონას ბაბუა

დიდ დიღომში, სადაც 12 წლის გარდაცვლილი გოგონა იპოვეს, საგამოძიებო მოქმედებები დასრულებულია. 

„ავადმყოფი არ იყო და არაფერი... სათამაშოდ გავიდა, დეიდაშვილთან, სადღაც 9 საათზე გავიდა სახლიდან, ნახევარ საათში რომ არ ამოვიდა, დაიწყეს რეკვა, რომ არ უპასუხა, ძებნა დაიწყეს...

იპოვეს, მაგრამ აღარ იყო ჩემი ანუშკი... ვეღარაფერი ვუშველეთ. ზუსტად არაფერი ვიცით, დაადგენენ იმედია ყველაფერს“, - ამბობს გოგონას ბაბუა. 

მომხდართან დაკავშირებით გამოძიება სისხლის სამართლის კოდექსის 109 მუხლით მიმდინარეობს, რაც განზრახ მკვლელობას გულისხმობს დამამძიმებელ გარემოებებში.