რუსეთის ძალები დონეცკის ოლქში, ქალაქ სელიდოვოში შევიდნენ - ბრიტანეთის დაზვერვა
1729872150
9 წლის ბიჭზე ძალადობის ბრალდებით დაკავებულია 60 წლამდე კაცი. ინფორმაციას ამის შესახებ რადიო თავისუფლებას უდასტურებს შინაგან საქმეთა სამინისტრო.
გამოძიება ოჯახში ძალადობის, 126-ე პრიმა მუხლით დაიწყო. რუსთავის საქალაქო სამმართველოს პირველ განყოფილებაში თვითმხილველთა გამოკითხვა მიმდინარეობს.
ინფორმაცია რუსთავში, 9 წლის ბიჭზე ფიზიკური ძალადობის შესახებ, სოციალურ ქსელში 5 ივლისს, თვითმხილველმა, რუსკა მჭედლიძემ გაავრცელა.
ის წერდა, რომ 4 ივლისს, ძალადობის შემდეგ, გამოკითხვაზე დედასთან ერთად გადაყვანილ ბავშვს „დააწერინეს, რომ წაიქცა“, არავის უცემია და შესაბამისად, საქმის წარმოება შეწყდა.
შინაგან საქმეთა სამინისტრომ ოჯახში ძალადობის მუხლით გამოძიება 5 ივლისს, მას შემდეგ დაიწყო, რაც ინფორმაცია ბავშვზე ძალადობის შესახებ სოციალურ ქსელში გასაჯაროვდა.
გამოძიების თანახმად, 9 წლის ბიჭი მამინაცვლის მამამ, საცხოვრებელი კორპუსის ეზოში, არაერთი ადამიანის თვალწინ სცემა:
„მესამე სართულის აივანზე ვიყავი, გადავიხედე, ბავშვი ეგდო ძირს, კაცი ედგა თავზე და ურტყამდა წიხლებს“, - უთხრა რადიო თავისუფლებას რუსკა მჭედლიძემ, რომელიც 6 ივლისს, რამდენიმე საათის განმავლობაში იმყოფებოდა გამოკითხვაზე.
ასევე ნახეთ:
⇒ დაკავებულია საუნივერსიტეტო კლინიკის ყოფილი ფინანსური დირექტორი და კიდევ ორი პირი - ნახეთ ბრალდება
⇒ VIDEO: როგორ იქმნებოდა “ხაჭაპურის მცხობელი იმერელი ბებოს“ გიგანტური სტენსილი
