პრაიმ თაიმი
1743712861
ზურაბ ბაკურაძის სახელობის სამუსიკო სკოლაში წლის შემაჯამებელი კონცერტი გაიმართა
27 დეკემბერს ონის ააიპ ზურაბ ბაკურაძის სახელობის სამუსიკო სკოლის წლის შემაჯამებელი კონცერტი გაიმართა.
წინასაახალწლო ღონისძიებას სახელმწიფო რწმუნებულის პირველი მოადგილე - ქრისტინა კობახიძე, რაჭა-ლეჩხუმის და სვანეთის მაჟორიტარი დეპუტატის გოჩა ენუქიძის ბიუროს ხელმძღვანელი - გიორგი მახათაძე, ონის მუნიციპალიტეტის მერი - სერგი ხიდეშელი და ადგილობრივი ხელისუფლების სხვა წარმომადგენლები ესწრებოდნენ.
ღონისძიებაზე ბავშვებმა ხელმძღვანელ პედაგოგებთან ერთად ცნობილი კომპოზიტორების ნაწარმოებები შეასრულეს.
ონის მუნიციპალიტეტის მერმა - სერგი ხიდეშელმა, ააიპ ზურაბ ბაკურაძის სახელობის სამუსიკო სკოლის მოსწავლეებს, პედაგოგებს და ხელმძღვანელს, მადლობა გადაუხადა მთელი წლის მანძილზე გაწეული საქმიანობისთვის.
