„ვტირი, სანთლებს ვანთებთ, იქნებ წვიმა გამოჩნდეს...“ - ადგილობრივი ბორჯომიდან

ბორჯომში მე-7 დღეა სტიქიას ებრძვიან.

ბორჯომის მუნიციპალიტეტში ხანძრის სალოკალიზაციო-სალიკვიდაციო სამუშაოები გაძლიერებული ძალებით, მთელი ღამის განმავლობაში, უწყვეტ რეჟიმში მიმდინარეობდა. ამ დროისთვის ხანძრის ლიკვიდირებული და ლოკალიზებული კერები სჭარბობს აქტიური კერების რაოდენობას.
 
ხანძრის ქრობის პროცესში, მეხანძრე-მაშველებთან ერთად, კვლავ აქტიურად მონაწილეობენ შინაგან საქმეთა სამინისტროს სხვადასხვა დეპარტამენტის, თავდაცვის სამინისტროს, რეგიონული განვითარებისა და ინფრასტრუქტურის სამინისტროს, ასევე, გარემოს დაცვისა და სოფლის მეურნეობის სამინისტროს შესაბამისი სამსახურების თანამშრომლები.

„დავიტანჯეთ, ცოდვაა, ტყე მენანება ვტირი, სანთლებს ვანთებთ, იქნებ წვიმა გამოჩნდეს, რომ იქნებ ეშველოს სოფელს რამე, საცოდაობა დგას შვილო“, - ამბობს ადგილობრივი.

დილიდან მუშაობა განაახლეს სასაზღვრო პოლიციის ვერტმფრენებმა და თურქეთის რესპუბლიკის სამმა სპეციალიზებულმა სახანძრო თვითმფრინავმა.

ბოლო ცნობები სტიქიის ზონიდან