„სამი თვის წინ დაქორწინდა... მეუღლემ ნერვიულობისგან ნაყოფი დაკარგა“ - 25 წლის დავით პაპასკირი კორონავირუსით გარდაიცვალა

ღუდუშაურის კლინიკის IT სპეციალისტი, 25 წლის დავით პაპასკირი კორონავირუსით თბილისში გარდაიცვალა. ახლობლების თქმით, ახალგაზრდა მამაკაცი გასული წლის ნოემბრის თვეში დაქორწინდა.

იგი წარმოშობით ჩხოროწყუდან იყო.

„ჩემი მოსწავლე იყო. ვაი მისი დედის ბრალი... სამი თვეა დაქორწინდა... მეუღლემაც ნერვიულობისგან ნაყოფი დაკარგა... ზეადამიანი იყო... სხვანაირი...“,-გვითხრა ახლობელმა.

ახალგაზრდა მამაკაცი ერთ კვირაზე მეტხანს კლინიკის რეანიმაციულ განყოფილებაში იყო მოთავსებული.