1698406900
ახალციხის მუნიციპალიტეტის ქალაქ ვალეში ბარათაშვილის ქუჩაზე საგზაო ინფრასტრუქტურის რეაბილიტაცია აქტიურად მიმდინარეობს.
პროექტის ფარგლებში საავტომობილო გზის 1400-მეტრიან მონაკვეთზე ბეტონის საფარი იგება. ასევე ეწყობა გვერდულები, მიერთებები, ეზოებში შესასვლელები, რკინა-ბეტონის კიუვეტები და ლითონის ცხაურები.
ინფრასტრუქტურული სამუშაოები რეგიონებში განსახორციელებელი პროექტების ფონდიდან და ადგილობრივი ბიუჯეტიდან გამოყოფილი თანხით ფინანსდება.
საგზაო ინფრასტრუქტურის მოწყობა მუნიციპალიტეტის ერთ-ერთი მთავარი პრიორიტეტია. პროექტის განხორციელების შედეგად ადგილობრივი მცხოვრებლები კეთილმოწყობილი შიდა გზებით ისარგებლებენ.
