ოზურგეთის მუნიციპალიტეტში, დვაბზუს ნასაკირალისა და დაბა ნასაკირალის დამაკავშირებელი გზის სრული რეაბილიტაცია მიმდინარეობს

ოზურგეთის მუნიციპალიტეტში, დვაბზუს ნასაკირალისა და დაბა ნასაკირალის დამაკავშირებელი გზის სრული რეაბილიტაცია მიმდინარეობს.

პროექტი, რომლის ბიუჯეტიც 2 249 979 ლარს შეადგენს რეგიონებში განსახორციელებელი პროექტების ფონდისა და მუნიციპალიტეტის მერიის დაფინანსებით ხორციელდება.

გზის სამშენებლო სამუშაოები ოზურგეთის მერმა, ავთანდილ თალაკვაძემ, მოადგილეებთან გიორგი ღურჯუმელიძესთან, ნიკა ბოლქვაძესთან და საკრებულოს წევრებთან ერთად დაათვალიერა.

„ვასრულებთ კიდევ ერთ პირობას, რომელიც ჩვენს თანამოქალაქეებს მივეცით - დვაბზუს ნასაკირალისა და დაბა ნასაკირალის დამაკავშირებელი გზის სრულ რეაბილიტაციას ვაკეთებთ. სამუშაოების ფარგლებში ეწყობა 4, 800 მეტრი სიგრძის გზა, სანიაღვრე არხები, ეზოებში შესასვლელები და მგზავრთა მოსაცდელები. ოზურგეთის სახელით, მადლობას ვუხდი რეგიონული განვითარებისა და ინფრასტრუქტურის სამინისტროს ამ მნიშვნელოვანი პროექტის მხარდაჭერისთვის,“- აღნიშნა ოზურგეთის მერმა.

ინფორმაციას ოზურგეთის მერია ავრცელებს.